Песто пастата е одлична идеја кога ви треба брз ручек од само неколку состојки.
Пастата е едно од најпознатите јадења во италијанската кујна, а може да се приготви на милион начини. Покрај тоа што се вкусни, италијанските тестенини брзо се подготвуваат, а ние ви пренесуваме одличен рецепт. Направете песто паста со само неколку состојки и за помалку од половина час. Ова е одлична идеја кога ви треба брз и вкусен оброк.
Потребни состојки:
- 450 гр макарони
- 2 лажици маслиново масло
- ½ кромид
- 2,5 лажици песто сос
- 2 лажици рендан пармезан
Подготовка:
Истурете вода во тенџере и оставете да зоврие. Потоа додадете ги макароните, мешајте често за да не се залепат за дното и варете околку колку што пишува на пакувањето. Вo никој случај не оставајте да се варат подолго од наведеното, бидејќи нема да бидат ал денте. Никогаш при варењето било каква паста не ставајте сол или масло во водата. Откако ќе бидaт готови, процедете ги макароните (немојте да ги ставате под млаз ладна вода!).
Загрејте го маслиновото маслото во тава, а потоа додадете исечкан кромид и пржете додека не омекне. Потоа додадете го песто сосот и зачинете по желба. Добро измешајте. Оставете на шпорет уште неколку минути и тргнете од оган
Во тавата додадете ги макароните и убаво измешајте, па посипете со рендан пармезан.
