Враќањето во Втората светска војна се чини дека било вистински потег за популарниот серијал на видео – играта „Call of Duty“, чие најново продолжение заработи 500 милиони долари во првите три дена од продажбата.
Call of Duty: WWII постигна огромен успех, а според податоците со кои се пофали компанијата Activision Bizzard, продолжувањето на популарната гејмерска франшиза поставило рекорд во продажба за PlayStation 4.
„Ги предизвикавме нашите играчи повторно да ги соберат своите тимови и тие одговорија на повикот со најголем број на играчи кој сме го виделе во досегашната генерација на игри и персонални компјутери“, изјави Ерик Хиршберг, директор на компанијата Activision Bizzard.
„Во текот на нашиот прв викенд со заработка од 500 милиони можеме да кажеме дека сме подобри од многу холивудски блокбастери“, се пофали Хиршберг.