Фудбалерите на Барселона загубија во вчерашното Ел Класико против Реал Мадрид со резултат 3:1, а вината за поразот ја прифати тренерот на каталонскиот тим Чави Ернандес.
Избраниците на Чави до овој натпревар имаа примено само еден гол, а тренерот на Барселона истакна дека не е задоволен од ниту еден сегмент од играта.
„Загрижен сум. Реал нè победи затоа што е позрел тим, сакавме да ги запреме нивните контранапади и не успеавме. Мораме да бидеме самокритични и да ги поправиме работите што не се добри. Не ги обвинувам моите играчи, јас сум виновен за поразот. Не сум задоволен од ништо на овој натпревар“, изјави Чави.
Барселона со овој пораз го загуби првото место во Ла Лига од Реал, а на Каталонците не им оди најдобро ниту во Лигата на шампионите каде се на прагот на испаѓање во Лига Европа.