По разговорот со Лапорта, претседателот на Барселона, Чави Ернандес прифати да биде нов тренер на Барса, известува новинарот на Sky Sport Фабрицио Романо.
Барселона најпрвин ќе прогласи нов, привремен тренер. Тоа ќе биде Серхи Барахун, а по ноемвриската репрезентативна пауза тимот ќе го преземе Чави.
Легендарниот фудбалер ги договара последните детали за раскинување на договорот со Ал Сад во кој работи како тренер.
Се претпоставува дека клубот од Катар ќе бара отштета од околу 1.000.000 евра, што не би требало да претставува никаков проблем за Барселона.
Се очекува дека Лапорта до крајот на денот ќе ја прогласи одлуката за официјална. Да се потсетиме, Барса му даде отказ на Роналд Куман веднаш по поразот од Рајо Ваљекано.
