Лино Червар, селекторот на машката ракометна репрезентација на Македонија, го објави поширокиот список на играчи кои ќе конкурираат за место во тимот за бараж двомечот со Чешка (11 и 15 јуни).
Новиот селектор, како што најави, нема премногу да експериментира со составот иако на поширокиот список за прв пат во репрезентацијата повика четворица играчи: Соколов од Макс Струмица, Блажевски од Радовиш, Лазаревски од Борец и младиот голман на Металург, Томовски.
Червар на списокот го стави и Наумче Мојсовски, кој по неуспешните квалификации за пласман на ОИ, најави дека се простува од националниот тим.
Поширокиот список на Червар за баражот со Чешка:
Ристовски (Рајн Некар), Митревски (Бенфика), Даскаловски (Тимисоара), Томовски (Металург), Дејан Манасков (Вардар), Ојлески (Одорхеи), Георгиевски (Тулуз), Лазаревски (Борец), Соколов (Макс Струмица), Костески (Металург), Стоилов (Вардар), Пешевски (Металург), Никола Маркоски (Работнички), Филип Лазаров (Вардар), Јоноски (Бергишер), Миркуловски (Вецлар), Мојсовски (Букурешт), Мартин Манасков (Металург), Блажевски (Радовиш), Прибак (Бешикташ), Кире Лазаров (Барселона), Велко Маркоски (Загреб), Митков (Кремс), Талевски (Металург), Кузмановски (Металург), Кукоски (Металург), Дрогришки (Пелистер).
