Постои облека која веројатно ја переме премногу често, како на пример фармерките. Од друга страна, постојат и парчиња облека кои поретко ги ставаме во машината за перење.
Кои работи луѓето не ги перат доволно често?
Секоја жена има омилен градник, удобен и кој совршено стои со секоја облека. Затоа не е чудно што многу дами носат ист градник повеќе дена по ред и понекогаш го перат по носење дури и по неколку седмици.
Но, експертите препорачуваат да ги менувате градниците на секои два до три дена, а понекогаш и секој ден, особено ако многу се потите.
Градникот треба да го перете често како и другата долна облека. Сите изумрени клетки од кожата, потта и течностите се совршена средина за размножување на бактерии. Во градникот можат да се заробат и мириси и дамки кои не можат да се отстранат ни со перење.
Удобните пижами или маички со кои спиете од ноќ во ноќ всушност се повалкани отколку што изгледаат. Иако ова е облека која не се носи надвор, во суштина треба почесто да ја перете. Во пижами минуваме најмалку седум часа секоја ноќ, се потиме и ткаенината впива мртви клетки и маснотија од нашето тело.
Пижамите треба да ги перете од прилика по две до четири ноќи. Ако се потите, почесто треба да ги перете.
Кога последен пат сте ги переле перниците? Експертите препорачуваат перење барем една до двапати годишно, ако можете и на секои три месеци.
Често ги занемаруваме, но многу е важно ова парче облека да го исперете во машина по капење. На него се акумулираат бактерии, но и хлор и солена вода што може да го оштети материјалот. Затоа се препорачува да имате по неколку пара костими за капење.
