Продуцентот на филмовите „American Psycho“ и „Spring Breakers“ е познат по неговите необични и иновативни домови кои се градат по негова желба и замисла.
Крис Хенли ја одушеви јавноста со неговата „невидлива“ куќа која е покриена со огледала однадвор. Оваа куќа беше завршена во 2019 година и потсетува на легнат облакодер.
Сега ја гради куќата Starburst House која личи на ѕвезда што експлодира. Градбата се состои од 21 бродски контејнер, а оригиналната идеја е на лондонскиот архитект Џејмс Витакер кој ја дизајнирал како канцелариски простор за рекламен стартап во Германија, но компанијата пропаднала. Од 2017 година тој соработува со Хенли за прилагодување на дизајнот и по три години планирање конечно е одлучено да се почне со градење годинава.
Внатрешноста на куќата се протега на 2.000 квадаратни метри, а се состои од влезен ходник, централен дневен престој, кујна и заедничка бања, како и три спални соби од кои секоја има засебен тоалет.
Хенли овој дом го има замислено како креативен простор во кој ќе може да вежба јога, да медитира, да пишува сценарија и најважно – да танцува слободно.
