Астрономите открија црна дупка со најбрза стапка на ширење досега најдена во вселената. „Чудовиштето со апетит“, како што ја нарекоа, расте толку брзо што за два дена би можела да „голтне“ маса еквивалентна на Сонцето, објави CNN.
Истражувачите од Австралискиот национален универзитет прв и ја открија оваа супермасивна црна дупка, позната и како квазар, која благодарение на телескопот Sky Mapper е означена како потенцијално интересен вселенски објект.
Користејќи ги податоците на Европската агенција за истражување на вселената, утврдија колку е оддалечена црната дупка. Открија дека се потребни повеќе од 12 милијарди години за да може млазот на црната дупка да стигне до Земјата.
Ова е најсјајниот квазар виден досега, неколку илјадници пати посјаен од нашата галаксија, вели астрономот Кристијал Вулф.
Црните дупки ги замислуваме како најтемните објекти во вселената кои голтаат сѐ пред себе, па дури и светлината, но оваа е особено сјајна, токму поради нејзиниот голем „апетит“.
Се проценува дека оваа црна дупка е 20 милијарди пати поголема од Сонцето. Волф додава дека првично била 5.000 пати поголема од Сонцето и дека другите црни дупки се сѐ на сѐ 50 пати поголеми од нашата најголема ѕвезда. Токму поради тоа научниците се прашуваат како оваа црна дупка станала толку масивна.
„Можеби ова ни кажува нешто за необичните процеси поврзани со Биг бенгот. Што навистина се случило таму уште е нејасно“, додава Волф.
Тој истакнува дека најверојатно има повеќе вакви црни дупки во вселената и дека има за цел да истражи со колкав проблем потенцијално се соочуваме.