Facebook планира да воведе членарина во групи на оваа социјална мрежа, што би можело да биде голем пресврт во политиката на оваа компанија која одд почеток истакнуваше дека мрежата засекогаш ќе биде бесплатна за корисниците.
Најавата за наплаќање членарина стигна од Facebook откако го лансираше пилот проектот чија цел е да се даде поддршка на администраторите на групите кои со својата работа придонесуваат за развивање на заедниците и квалитетот на содржините.
„Одлучивме дека е време да им дадеме поддршка за да може да се продолжи со квалитетно работење во финансиски безбедно опкружување“, велат од Facebook.
Пилот проектот што почнува денеска ќе биде имплементиран на неколку групи на социјалната мрежа, а членовите ќе мора да платат членарина за да останат дел од одредена група за да добиваат информации и да учествуваат во дискусии.
Месечниот износ за членарината ќе ја одредуваат администраторите на Facebook групите, а ќе се движи од 4,99 до 29,99 долари.
Сара Милер, една од претставниците на адмнистраторите на групи на Facebook, изјави дека наплатувањето членарина за користење на групите ќе ги подобри квалитетот на содржините и на работењето.
Информацијата за воведувањето членарина наиде на бурни реакции од корисниците, а експертите сметаат дека пилот проектот е само тест на Facebook за да види како корисниците ќе реагираат на плаќање за содржини.
