Холандскиот репрезентативец Матијс де Лигт ќе игра со бројот 4 во италијанскиот хегемон и актуелен шампион Јувентус, соопштува „Де Телеграф“.
Трансферот на 19-годишниот централен дефанзивец е само прашање на часови, а „старата дама“ се избори за него со Барселона и ПСЖ. Ајакс ќе ги добие посакуваните 75 милиони евра за својот капитен, откако претходно ги одби сите други понуди на Јуве.
Агентот на Де Лигт, Мино Рајола, рече дека младиот фудбалер веќе преговарал за своите лични услови. Тој ќе потпише 5-годишен договор, а неговата плата ќе биде 12 милиони евра сезона плус бонуси. Ќе има и клаузула за откуп од 150 милиони евра.
Минатата сезона Де Лигт запиша 55 натпревари за Ајакс на сите турнири. Во нив постигна 7 гола и направи 4 асистенции. Дефанзивецот ќе биде шесто ново засилување на Јуве ова лето.
Пред тоа, торинскиот тим се засили уште со Арон Ремзи, Адриен Рабио и легендата Џанлуиџи Буфон. Тројцата пристигнаа како слободни агенти, односно од Арсенал и ПСЖ. Лука Пелегрини беше дел од продажбата на Леонардо Спинацола во Рома, а Мери Демирал беше купен од Сасуоло за 16,2 милиони евра.
Кристијан Ромеро беше земен од Џенова, но ќе остане една сезона под наем во тимот од северот на Италија.
