По поразот на стартот од Денвер Нагетс, тимот од Лос Анџелес ја запиша првата победа во вториот натпревар откако го совлада Феникс Санс.
По голема драма и борба Лејкерс победија со 100:95, а Феникс има за што да жали. Гостите имаа сериозно водство речиси во текот на целиот натпревар, но на крајот останаа со празни раце. Санс во последната четвртина влегоа со 12 поени предност, но потоа целосно потфрлија.
Ентони Дејвис и Леброн Џејмс блеснаа кога требаше и им донесоа на Лејкерс пресврт и голема победа. Дејвис со 30 и Леброн со 21 поен ги предводеа Лејкерс до победата. Во редовите на Феникс Кевин Дурент постигна 39 поени со 11 скока, но и тоа не беше доволно за победа.
Во вториот дуел на програмата ноќеска Милвоки Бакс во вистинска драма ја совлада Филаделфија 76ерс со 118:117, а во победничкиот тим се истакна Демиен Лилард со 39 поени.
Резултати:
Милвоки Бакс - Филаделфија 76ерс 118:117
Лос Анџелес Лејкерс - Феникс Санс 100:95
Табела: