Со 4 гласа „за” и 4 „против”, Државната изборна комисија го отфрли и последниот приговор на СДСМ, со што не прифати поништување на гласачкото место во општина Теарце. Еден чен беше воздржан, се иззема од гласање Субхи Јакупи, од ДУИ.
Последниот приговор на СДСМ беше за исчезнатото ливче од гласачка кутија, додека надвор траеше протестот на ВМРО-ДПМНЕ говореше и Никола Груевски кој рече дека нема да ги прифатат одлуките на Комисијата за прегласување на спорните избирачки места.
Од сите 16 приговори поднесени до ДИК, прифатен е само еден на БЕСА, за кој е одлучено да има прегласување во едно избирачко место во Гостивар.
Во Изборната единица 6, победи ДУИ со 40.599 гласови кои му обезбедија 6 пратеници, а втора беше ВМРО-ДПМНЕ со 26.135 гласови кои носат 4 пратеници, а СДСМ доби 25.828 гласови и 3 пратеника. БЕСА, која е блиска опозициска партија со социјалдемократите освои 25.054 гласови, односно 3 пратеника. По два мандата од шестата изборна единица освоија Алијансата за Албанците и ДПА.
Опозицијата смета дека прегласувањето на ова избирачко место може да влијае врз изборниот резултат односно да ѝ одземе на ВМРО-ДПМНЕ еден пратенички мандат.
