Автомобили

Доживотна гаранција за новиот концептуален автомобил Lynk & Co 03

19. април 2017 - 14:07 | А.С.

Новиот бренд на компанијата Geely  се обидува целосно да го редефинира начинот на кој ги бираме и користиме автомобилите.

Автопроизводителот познат како сопственик на брендот Volvo, го претстави новиот концептуален модел наречен Lynk & Co 03, на Меѓународниот автосаем во Шангај.

Новиот концептуален модел изгледа модерно и личи на автомобил што не е концепт, туку е подготвен да се пласира на пазарот.

Меѓутоа она што го прави Lynk & Co 03 посебен е работите што не се гледаат со голо око.

Исто како неговиот претходник, овој автомобил секогаш ќе биде поврзан на интернет (со бесплатен сообраќај на податоци) во сопствениот cloud на автомобилот.

Ќе има отворена API, како и сопствена виртуелна продавница за апликации.

Уште една многу важна карактеристика на Lynk & Co 03 е доживотната гаранција за возилото.

Уште не се знае што точно значи тоа, но компанијата рече дека автомобилот ќе биде достапен на пазарот во Кина уште есенва, а во САД и Европа ќе стигне во 2019 година.

Коментирај