Ќерката на поп-иконата Мадона, Лурдес, направи профил на Instagram и засега ја следат нешто повеќе од 60.000 луѓе.
24-годишната девојка која не прави ништо посебно освен што повремено работи како модел, моментално има три објави, сите три реклами, но она што е многу поинтересно од самите објави се нејзините коментари под нив.
Имено, Лурдес, чиј онлајн псевдоним е Лола, се однесува крајно бизарно - не престанува да ги навредува фановите кои ѝ поставуваат потполно невини прашања од типот: „Кога мајка ти ќе издаде нов албум?“
„Што би помислила мајка ти за оваа фотографија? праша еден фан под фотографијата на огласот за Juicy. „Дали мајка ти знае дека не си го миеш газот?”, му одговори Лурдес, а тој ѝ одговори дека ќе го врами одговорот.
На прашањето кога ќе се обиде и таа да стане пејачка, Лола дрско одговори: „Ќе ти пеам на погребот“.
Ваквото безобразно и дрско однесување само ги „потпали“ инстаграмџиите да ја задеваат и да ѝ поставуваат уште прашања, но таа само се повлече и нема објавено и искоментирано ништо повеќе.
