Аргентинските фудбалски симпатизери се шегуваат дека духот на Диего Марадона спречи Ривер Плејт да постигне гол против Бока Жуниорс синоќа.
Двата аргентински гиганти го играа популарното Суперкласико во рамките на Лига купот, а резултатот гласеше 1:1 во голови, но и во црвени картони, сѐ до таа 89-та минута кога се случи нешто необјасниво.
Хулиан Алварес упати удар со глава, го совлада голманот Естебан Андрада, но топката на патот кон мрежата ненадејно заврте како некоја невидлива сила да ѝ го сменила правецот.
Навистина неверојатно како ова не беше победнички гол за Ривер Плејт на „Ла Бомбонера“.
Ширум интернетот, Аргентинците велат дека духот на Диего Армандо Марадона, кој почина на 60-годишна возраст во ноември, е причината зошто мрежата на Бока остана незатресена.
Марадона мина година и пол во Бока Жуниорс пред да дојде во Барселона летото 1982 година.