Напаѓачот на Бруклин, Кевин Дурент ги демантира информациите дека е подготвен да се пензионира доколку Нетс не се согласат да го разменат во друг тим.
– Знам дека повеќето веруваат во анонимните извори кои објавуваат информации за мене, но ако некој сака да слушне што имам да кажам, тогаш треба да знаете дека не планирам да ја завршам кариерата во скоро време. Ова што се случува е смешно, напиша Дурент на Twitter.
Кевин Дурент побара од сопственикот на Нетс, Џозеф Цаи, да го размени со друг тим или да ги отпушти генералниот менаџер Шон Маркс и главниот тренер Стив Неш.
Цаи сè уште не се произнел за ултиматумот на Дурент.
