Ако некогаш сте се обиделе да го отклучите или заклучите автомобилот од далечина за да се уверите дека навистина е заклучен, но автомобилот не реагирал, овој трик ќе ви се најде.
Ова сценарио е само по себе логично бидејќи јачината на сигналот што го емитува далечинското се намалува со растојанието.
Но, едноставен трик може да го реши овој проблем. Ставете го клучот под брадата, притиснете го копчето и светлата ќе се вклучат. Можеби сте слушнале за овој едноставен трик мислејќи дека е урбана легенда, но не е.
Причината поради која работи е затоа што главата (како и целото наше тело) е полна со вода. Кога ќе го притиснете копчето на клучот за да го отклучите или заклучите автомобилот, тој почнува да работи како антена и емитува електромагнетен бран кој минува низ водата и во тој процес се засилува.
Водата во празнина како вашето тело многу добро реагира на електромагнетни бранови. Кога радио брановите од клучот ќе влезат во вашето тело исполнето со вода, се создава таканаречен диелектричен резонатор. Ова ја зголемува амплитудата на бранот, а со тоа и опсегот на сигналот, пишува сајтот CarThrottle.com.
На YouTube можете да најдете и неколку видеа кои ја потврдуваат ефикасноста на овој трик. Тоа го одамна го демонстрираше популарниот водител Џереми Кларксон во емисијата „Top Gear“.
