Средбата на четвртфиналето на Лигата на шампиони меѓу Борусија Дортмунд и Монако е откажана по експлозија во близина на стадионот Сигнал Идуна Парк. Има и повредени.
Според германски Bild, експлозијата се случила покрај автобусот на Дортмунд, а во неа е повреден Марк Бартра, кој е превезен во болница. Натпреварот е одложен за утре, во 18:45 часот.
Фудбалерите на Борусија се на безбедно место, а полицијата трага по сторителите и проверува дали станува збор за планиран напад.
Тимот на Борусија го потврди инцидентот на Twitter, соопштувајќи дека еден фудбалер е пренесен во болница. Тие потврдуваат дека не постои опасност околу нивниот стадион Сигнал Идуна Парк, пишува Daily Mail.
