Со оглед на тоа што има сопствена линија на костими за капење, не е чудно што Елизабет Харли многу време минува во бикини. На тој начин редовно ги споделува нејзините креации со обожавателите на интернет.
Педесет и седумгодишната актерка неделава објави видео во кое позираше пред огледало, фалејќи се со витата фигура.
„Повторно во бикини“, кратко порача актерката, истакнувајќи ги стомачните мускули и цврстите нозе.
Токму затоа доби низа комплименти за совршениот изглед на кој веројатно и завидуваат помладите девојки.
Харли е фокусирана на здрава исхрана и секојдневно движење, не преферира одење во теретана.
„Повеќе сакам да вежбам додека ги мијам забите или да одам на прошетки со моите кучиња“, изјави таа за списанието Women’s Health.
Сака едноставна и природна храна, избегнува намирници кои содржат хемикалии или адитиви.