Британскиот Sky News објави репортажа од Финска, со детали за тоа како оваа земја се подготвува за руска инвазија уште од 1993 година.
Приказната почнува со навидум обичен базен во предградието на Хелсинки. Но, станува збор за уникатен базен кој говори скоро сè што треба да се знае за тоа зошто Финска е загрижена поради можна руска инвазија.
Базенот се наоѓа под земја, ѕидовите изгледаат како да се направени во карпа, а над него е 15 метри гранитна карпа. Скриена зад мрежата на главниот влез, како и во подрумот, се наоѓа масивна врата. Постои и софистициран систем за филтрација на воздухот, па дури и вентил за регулирање на притисокот.
„Значи, ова не е обичен базен. За помалку од еден ден може да се исуши и да се преуреди во засолниште за 4.000 луѓе“, истакнува Sky News.
Овој базен е изграден во 1993 година со две намени. Во Хелсинки има уште неколку вакви места – центри за рекреација.
Финците уште ја паметат Зимската војна од 1939 година, а подоцна и Втората светска војна. Токму поради тоа со децении се подготвуваат за војна. Хелсинки, град со околу 650.000 жители, може да прими околу 900.000 луѓе.
Новинарите од скај нуњ прошетале низ продавниците за воена опрема, а во кои продажбата на оружје драстично порасна по руската инвазија на Украина. Некои купуваат и вреќи за спиење и комплети за прва помош, а други нарачуваат панцири и борбени резерви.
Откако Финска поднесе барање за членство во НАТО, се очекува уште поголем пораст поради страв од Русите.