Фудбалерите на Јувентус, Пауло Дибала, Артур и Вестон Мекени, се фатени на домашна забава додека цел Торино е во карантин. Полицијата упадна на забава организирана од Американците, а на неа присуствувале 10 луѓе.
Сите добија казна од по 400 евра поради непочитување на мерките, но најтешката казна ќе следи од клубот.
Во Јувентус се исклучително лути поради ваквото однесување на нивните играчи и сериозна ја разгледуваат опцијата за суспензија на споменатите фудбалери, посебно бидејќи ваквата вест доаѓа пред градското дерби против Торино.
Во врска со ова се огласи и Дибала кој ја призна сопствената грешка, но тврди дека тоа не било забава туку вечера.
„Знам дека во ваков тежок момент поради пандемијата на коронавирусот низ светот не смееме да правиме вакви грешки, но згрешив што останав на вечера. Тоа не беше забава, но сеедно, згрешив“, рече Дибала.
Италијанските медиуми пишуваат дека со овој потег Дибала многу ги разочарал челниците на Јувентус и дека во прашање е неговата иднина во клубот, особено по последните настани.