Виктор Троицки, селекторот на тенисери на Србија, потврди дека Новак Ѓоковиќ ќе настапи на УС Опен.
Ѓоковиќ напорно се подготвува за да освои нов Грен слем, откако во истата година ги освои Австралија Опен, Ролан Гарос и Вимблдон.
Србинот во Црна Гора се подготвува по завршувањето на ОИ, а за 10 дена ќе отпатува во Њујорк.
„Новак се опорави, тренира напорно во Црна Гора и се подготвува за УС Опен. Би било одлично да ја освои титулата во Њујорк и да ги комплетира трофеите оваа година. Верувам дека ќе дојде подготвен во Америка и дека ќе има огромна мотивација за да се покаже во најдобро светло“, рече Троицки.
Троицки има голема доверба во Новак.
„Имаше време да се опорави после Токио и да се подготви за Њујорк. Има уште време до почетокот на УС Опен, мислам дека дотогаш ќе биде уште повеќе подготвен. Тој знае да се врати кога е најтешко и да биде уште појак. Верувам дека така ќе биде и овој пат“, истакна тој.
Српскиот тенисер во 2011, 2015 и 2018 година беше најдобар на УС Опен.
