Ден пред почетокот на првиот Грен слем во сезоната на Австралија опен, Новак Ѓоковиќ пропушти тренинг.
Ѓоковиќ пред неколку дена, на спаринг со Медведев, по половина час престана да тренира поради тетивата што го мачеше во Аделаида претходната недела, а сега го пропушти тренингот закажан за 12:15 часот по локално време.
Сепак, ова не мора да значи нешто лошо. Можно е Ѓоковиќ поради променливото време да одлучил да тренира во затворен простор, но дефинитивно постои загриженост кај неговите навивачи поради проблемот со задната ложа.
„Малку се мачев со тоа, да бидам искрен, во последните седум дена, но се надевам дека тоа не е преголема причина за загриженост. Досега можам да тренирам и да се натпреварувам, да тренирам. Тоа е позитивен знак. Малку сум повнимателен, не одам со полна сила на тренинзите, штедам енергија за следната недела. Се надевам дека тогаш нема да ми биде проблем“, рече Ѓоковиќ на прес-конференција во петокот.
Српскиот тенисер е деветкратен победник на Грен слем турнирот во Мелбурн, а првиот меч на овогодинешниот турнир ќе го одигра во вторник околу 11 часот по средноевропско време против Шпанецот Роберто Карбаљес Баена.