Ѓоковиќ е на чело на листата со 7.595 бодови, а од врвот го симна шампионот на УС опен, Шпанецот Карлос Алкарас, кого претходно го совлада во полуфиналето на Ролан Гарос.
Тоа практично значи дека Новак Ѓоковиќ ќе дојде на Вимблдон како број еден и таму ќе ја започне одбраната на титулата како прв носител.
Алкарас е втор со 7.175 поени, односно 420 поени зад најдобриот.
Даниил Медведев падна од втората на третата позиција и има 6.100 бодови, додека финалистот на Ролан Гарос, Норвежанецот Каспер Руд, остана на четвртото место и има 4.960 бодови.
Рафаел Надал, кој поради повреда не ја бранеше титулата во Париз, загуби 2.000 поени и испадна од топ 100. Рафа се наоѓа на 136. место на АТП листата.
Најдобро рабгиран македонски тенисер и натаму е Калин Ивановски. Тој напредуваше за девет позиции и се наоѓа на 412. место во светот откако синоќа триумфираше на Скопје опен.
АТП ранг-листа за јуни 2023:
1. Новак Ѓоковиќ 7.595
2. Карлос Алкарас 7.175
3. Даниил Медведев 6.100
4. Каспер Руд 4.960
5. Стефанос Циципас 4.920
6. Холгер Руне 4.375
7. Андреј Рубљов 4.000
8. Тејлор Фриц 3.515
9. Јаник Синер 3.330
10. Карен Хачанов 3.125
.....
412. Калин Ивановски 107
