Новак Ѓоковиќ по триумфот на Мастерсот во Париз ќе игра на АТП финалето во Торино.
По победата во мечот со светскиот број 2, Данил Медведев, Новак рече дека има малку време да прослави бидејќи го чекаат нови обврски.
На прашањето како ќе ја прослави 37. мастерс титула рече дека ќе го направи тоа на скромен, вообичаен начин.
„Во прегратките на најмилите. Тука се моите жена и деца, имаме вкусна торта и ќе се заблажиме слушајќи убава музика, така што ќе прославиме пред да отпатуваме на друго место. Тенисот е таков спорт, мора за кратко време да се фокусираш на следниот предизвик, а следниот предизвик е за само неколку дена. Нема премногу време за анализа на историските успеси и за прослава. Тоа им го препуштам на другите. Секако дека сум свесен за успехот, но нема премногу да се опуштам, вели Ѓоковиќ.
На прашањето дали еден ден може да се замисли како тренер, на пример на Данил Медведев, кога Русинот ќе има повеќе од 30 години, Новак одговори:
„Ако бидам негов тренер, нема да имам многу работа. Се шегувам, тој е еден од најдобрите тенисери во светот во овој момент, а ако го послужи здравјето ќе биде на врвот со години и ќе освои уште грен слемови“, рече Новак.
„Да, се гледам себеси како тренер, го сакам овој спорт. Не го сакам само кога победувам, го сакам и кога сум со своите деца на терен, кога го гледам на телевизија, кога се обидувам да го пренесам своето искуство и знаење на новите генерации во Тенискиот центар Новак на кој сум многу посветен. Се трудам да го пренесам сето она што сум го научил на новите генерации. Знаењето може да биде клетва ако не се употребува. Нема да го носам знаењето во гроб и да кажам 'бев најдобар', а никој после мене да ги нема информациите од мојот живот, филозофијата, методологијата на работа и пристапот. Би сакал да можам да се развијам и како тренер“, заклучи најдобриот тенисер во светот.
