Документарниот филм за животот на легендарниот Борис Бекер имаше премиера, а во него се појави и првиот рекет на светот Новак Ѓоковиќ кој откри неколку интересни детали.
Прекинот на соработката меѓу двете легенди на белиот спорт, која траеше од 2014 до 2016 година, се случи по кавга која се случи пред седум години.
„Поминував низ период кога навистина се барав себеси надвор од теренот. Играв во третото коло на Вимблдон, имаше неколку паузи за дожд, бев во соблекувалната, седев и му реков на мојот тим: ‘Може ли сите да ме оставите и да излезете? Сакам да сум сам.’ Зјапав во ѕид и ми беше многу лошо. Во мене буквално немаше никакво движење“, вели Ѓоковиќ во овој документарец.
Токму овој потег го наведе Бекер да го прекине партнерството и тој му призна на Ѓоковиќ дека нема да има смисла светскиот рекет број 1 да не победи и да оди на турнири само за да се појави.
„Слушај, шефе, навистина сум уморен, не сакам да играм како порано“, се присети Бекер дека му рекол Новак, додавајќи дека тој одговорил:
„Слушај. Како прво, те почитувам и сакам. Направивме нешто заедно и тоа беше неверојатно патување за мене. Јас не сум добар губитник. Ако сакаш да одите на турнири оти така е редот, тогаш јас сум погрешениот човек за тебе. Мислам дека е подобро да престанеме“, му рекол Германецот.
Српскиот тенисер сепак изјави дека останал во добри односи со германскиот тенисер, кого го смета за член на неговото семејство.
