На натпреварот од француската трета лига помеѓу екипите на Авранш и ГОАЛ, голманот на домашниот тим се прослави со два подвига кои го направија хит низ Европа и на социјалните мрежи.
Името на овој херој е Антони Бев, а има 35 години. Порано играл за Родез и Кан, како и во младинските категории на ПСЖ.
Неговиот тим кон крајот на натпреварот имаше 1:0 негатива кога судијата досуди пенал за гостите, па екипата на ГОАЛ имаше идеална можност да стави точка на победата.
Флориан Распентино, поранешен играч на Марсеј, сакаше со стил да ја запечати судбината на својот ривал – се обиде да го матира Бев со паненка.
Но, голманот на Авранш го прочита тој обид и го остави својот тим во игра.
А потоа, во екот на драмата, по еден центаршут длабоко во судиското надополнување, веројатно последен на мечот, Бев со глава го матираше колегата на спротивната страна.
Пеналот и потоа голот почнуваат од 1:40 на видеото:
По 8 кола во Шампјонат Насјонал и Авранш и ГОАЛ имаат по 9 бода и засега во во зоната на борбата за опстанок. Инако, ГОАЛ е акроним од Гран Уес Асосиасјон Лионез (Grand Ouest Association Lyonnaise).