Организаторите на Скопје Прајд соопштија дека годинашното издание ќе се одржува под мотото „Гласни и горди“.
Настанот ќе се одржи на 24 јуни, сабота, почнувајќи со собирање на учесниците во паркот Жена- борец (спроти Собранието на РСМ) од 17 до 19 часот.
По обраќањата на активсти и активисти, како и и претставници на ЛГБТИК+ заедницата, од 19 до 20 часот следува маршот низ скопските улици којшто ќе биде придружен со DJ сетови.
Скопје Прајд 2023 ќе понуди богата културно-забавна програма, со музички настапи во живо, настапи на дрег кралици од регионот и земјата и DJ сетови. Културно-забавната програма ќе се одржи на Стадиниот на АРМ и ќе започне од 20:30, а ќе трае до 1 часот по полноќ. Организаторите засега потврдија дека Тамара Тодевска ќе настапи на Скопје Прајд 2023.
🎶💃Стартуваме со најавите за забавната програма на Скопје Прајд 2023.Тамара Тодевска ќе настапи на Скопје Прајд 2023 на...
Posted by Skopje Pride on Monday, June 19, 2023
Повеќе информации за програмата ќе бидат објавувани на веб-страницата на Скопје Прајд.
