За денешниот неделен ручек ви предлагаме да подготвите гулаш од буковки и компири. Ова посно јадење кое ќе ви ги освои сетилата со прекрасниот вкус и опојниот мирис.
Со следење на упатствата, не би требало да имате проблеми околу подготовката на овој вкусен рецепт.
Состојки:
700 грама буковки
400 милилитри доматен сос
1 голем кромид
1 морков
1 чешне лук
1 пиперка
4 компири со средна големина
Сол
Црна пипер
Магдонос
3 лажици масло
Подготовка:
Исчистете го кромидот и исечете го. Сечете ја пиперката и морковот на коцки. Сето ова ставете во тенџере со масло, и запржете ги состојките околу 5 минути.
Потоа додадете чаша и пол вода и оставете да врие. Додадете го доматниот сос и продолжете со варењето и додадете ги преостанатите зачини.
Измијте ги буковките и сечете ги на поголеми парчиња. Излупете ги компирите и сечете ги на коцки. Компирите заедно со буковките ставете ги во тенџерето. Оставете го гулашот да врие уште 10 минути па потоа тргнете го од огнот.
Загрејте ја рерната на 200 степени. Гулашот истурете го во ватростален сад. Наросете со лук и магдонос и оставете го да се пече уште 20-30 минути во рерната.
Гулашот послужете го додека е топол.
Пријатен апетит!