Уникатниот концептен автомобил од 70-тите години на минатиот век макотрпно е рекреиран по речиси 50 години, а тоа е концептот Pony Coupe на Hyundai.
Пред сѐ, треба да се каже дека ова не е баш првиот автомобил произведен од Hyundai, бидејќи компанијата соработуваше со Ford во 1967 година и склопуваше примероци од моделот Cortina во фабриката во Улсан во Јужна Кореја. Од друга страна, е првиот затоа што тоа е концептот кој го инспирираше првиот сериски автомобил на јужнокорејскиот гигант. Сè што може да се види денес, од i10, i20, i30, Santa Fe и Tucson до Ioniq, потекнува од малиот, скромен хечбек со две врати.
Уникатниот Pony Coupe Concept беше претставен на Саемот на автомобили во Торино во 1974 година, а сега Hyundai повторно го произведе „од нула“ според неговите точни спецификации од таа година. Исто така, користени се материјали од 1974 година, а помош пружил италијанскиот дизајнер Џорџето Џугаро, човекот кој првично го дизајнирал.
Концептот се одликува со „остар“ дизајн, силуета во облик на клин, чисти, сурови и сигурни линии и „отсечен заден третман“ во стилот на хечбек.
Слично е и внатре, каде што има пловечка табла со инструменти ориентирана кон возачот, а исто така има и волан со еден крак и соодветен ретро аналоген дисплеј.
Големината на автомобилот одговара на модерната Fiesta, но е нешто „потенок“ и понизок од моделот на Ford. Во основа, тоа е мал автомобил, придвижуван од 1,2-литарски 4-цилиндричен бензински мотор поставен напред, кој развива 81 КС и ја испраќа силата на предните тркала.
Pony беше претставен на изложбата Вила д'Есте и е дел од проектот за глобално наследство на Hyundai наречен Hyundai Reunion.
