Хрватскиот шампион потклекна кај унгарски Ференцварош и ја заврши борбата за влез во групите од најеминентното светско клупско натпреварување.
Уште во 2. минута работите излегоа од контрола за Хрватите откако Герге Ловренчич погоди за рано водство на унгарскиот првак.
Во 23. минута надежта на Динамо се врати со несмасниот автогол на Мирто Узуни по едно нафрлување од корнер.
Сепак, истиот играч во 65. минута си ја поправи грешката, украде една топка на центарот и со брза контра ја затресе мрежата на Доминик Ливаковиќ.
Динамо до крајот не успеа по втор пат да израмни и по Црвена звезда уште еден екс-ју гигант се збогува со фазата по групи од Лигата на шампиони. Хрватите сега ќе се борат за влез во Лига Европа, додека Ференцварош оди во плеј-офот.
За хрватскиот тим цел натпревар одигра македонскиот репрезентативец Аријан Адеми, кој беше и капитен.