Викендов почна новата сезона во второлигашката конкуренција, а на натпреварите видовме и неколку одлично изведени слободни удари кои завршија со голови.
Најубавиот гол од слободен удар, гол кој слободно може да се оквалификува како ремек-дело, падна на „АМС“ стадионот во Росоман каде домашната екипа славеше победа над Слога 1934 од Виница.
Во 9. минута Антонио Јанев упати одличен удар кој заврши во горниот десен агол на гостинскиот голман Ѓорѓи Јованоски. Дефинитивно ова е гол на колото дури и во конкуренција на оние кои ги постигнаа прволигашите.
Гол од слободен удар падна и во Велешта каде истоимената домашна екипа токму со тој гол го победи Кадино. Во 12. минута Игор Клечкароски од скоро триесетина метри го префрли живиот ѕид, а потоа топката во долниот агол заврши зад грбот на голманот Матеј Миленков.
Третиот прецизно изведен слобосен удар беше во Прилеп каде Победа го декласира Кит-Го со 4:1. Во 9. минута Давид Јошески ја најави победата со удар по земја од работ на шестнаесетникот и тоа токму по страната каде што беше позициониран гостинскиот голман Мартин Давков.
