Манчестер Јунајтед го победи Милан на „Сан Сиро“ со 1:0 и се пласираше во четвртфиналето на Лига Европа, а интересен детал беше забележан пред почетокот на натпреварот, кога играчите се загреваа на песна што веќе им е добро позната на фановите на ѕвездата на Милан - Златан Ибрахимовиќ.
Турбофолк песната „Јутро је“ на Нада Топчагиќ стана вирален хит во изминатиот месец бидејќи покрај тоа што е омилената песна на Златан, со која неодамна прослави една од победите на Милан, туку и токму на звуците на оваа песна пред неколку недели се појави на сцената на познатиот италијански музички фестивал Санремо.
Очигледно, во Милано се обидуваат на секој начин да му угодат на Ибрахимовиќ, па ја пуштија неговата омилена песна на загревањето, што беше објавено и на официјалниот профил на Twitter на Манчестер Јунајтед.
Инаку, „росонерите“ имаа поволни 1: 1 од првиот натпревар на „Олд Трафорд“ и беа во мала предност, но натпреварот без многу шанси на обете страни, реши голот на Пол Погба во 48. минута и Јунајтед отидоа понатаму.
Ибрахимовиќ, кој сè уште не се опорави целосно од повредата, влезе во игра во 65-та минута, но ниту тоа не му помогна на Милан.