Мусаката од модар патлиџан без месо е одлична за топлите летни денови, а рецептот е многу едноставен.
Постојат многу начини за подготовка на модар патлиџан, а тој е исклучително хранлив и одлична замена за месото, па затоа треба што почесто да го ставате на вашата трпеза. Неговиот благ, но уникатен вкус им дава посебна нота на јадењата, а најубав е кога се јаде на скара или похуван.
Сепак, подготвена на овој начин, како мусака, ќе биде совршен додаток на јадењата со месо, но и комплетен лесен летен оброк.
Потребни состојки:
- 4 средни модри патлиџани
- 3 домати
- 200 gr крем сирење
- 150 gr кашкавал
- 3 чешниња лук
- 5 лажици маслиново масло
- сол
- бибер
Подготовка:
Модрите патлиџани измијте ги, па со кората исечете ги на подебели прстени и ставете ги во солена вода да отстојат најмалку 15 минути. Потоа исплакнете и исушете со кујнска крпа. Прелијте ги парчињата модри патлиџани со маслиново масло и кратко пропржете ги на сува тава. Доматот исечкајте го на коцки, изгмечете го лукот и посолете и побиберете, па сè соединете.
Садот за печење намачкајте го со маслиново масло, наредете половина од прстените од модар патлиџан, премачкајте со половина од крем сирот и посипете со половина од ренданиот кашкавал. Потоа истурете ги исечканите домати и завршете со ред од модар патлиџан. Одозгора на мусаката посипете го остатокот од кашкавалот.
Се пече во загреана рерна на 200 степени околу 15 минути.
Кога ќе сервирате украсете со свеж босилок.
