Првиот човек на SpaceX, Илон Маск на Twitter го претстави новиот автономен дрон брод наречен A Shortfall of Gravitas (ASOG). Првиот тест лет мина успешно.
Намерата е да се користи за мисиите на ракетите Falcon 9 и Falcon Heavy коишто ќе се лансираат од Вселенскиот центар Кенеди и Вселенската станица Кејп Канаверал на Флорида.
Ако се прашувате зошто му се потребни три дрон бродови на SpaceX, одговорот е јасен. Амбициите коишто се однесуваат на распоредот за лансирање растат, така што ќе бидат потребни повеќе активности за спас на ракетите.
Во мисиите на лансирање на Falcon Heavy, дрон бродот мора да плови неколку дена источно од Флорида. Патувањето обично трае шест до седум дена, но понекогаш и подолго. Покрај тоа, кога бродот ќе се врати во пристаништето, потребни се меѓу 24 и 72 часа ракетата да се отстрани од бродот.
Тоа значи дека можеби истиот нема да биде достапен за следното лансирање, па затоа е потребен трет брод.