Вакцини против корона има доволно во Германија, но подготвеноста на граѓаните за вакцинација опаѓа и покрај брзото шиење на делта варијантата на коронавирусот. Вакцини има, но им недостига волја на граѓаните да се вакцинираат, пишува DW.
Сè помалку Германци закажуваат термин, а многумина кои закажуваат не се појавуваат на закажаниот термин.
Изгледа дека кампањата за мотивирање на вакцинација, а која чинеше 25 милиони евра, не вроди со плод. Дури 43% од граѓаните целосно се вакцинирани. Според сегашните прогнози потребно е да бидат вакцинирани 85% на возраст меѓу 12 и 59 години за да се спречи четвртиот бран. Кај повозрасните од 60 години дури 90%.
Најмногу населената сојузна покраина Северна Рајна Вестфалија започна Недела на вакцинацијата во која засилено се нудат не само вакцини кај лекари во центри за вакцинација туку и вакцинација во трговски центри или на спортски терени.
Граѓаните можат да се вакцинираат и по познатата катедрала во Келн.
Од Институтот за технологија предложија финансиска награда, економистот Нора Шех процени дека вредноста на секоја целосна вакцинација изнесува 1.500 евра.
„Значи, вложувањето се исплаќа“, вели таа и предлага на оние кои веќе се вакцинирале ретроактивно да им се исплати награда.
Нејзините истражувања покажаа подготвеност на вакцинација со понуда за финансиска награда од 500 евра кај 90 проценти од испитаниците.