На стадионот International Khalifa се одигра вториот натпревар на Светското првенство во Катар меѓу Англија и Иран, а освен одличната игра на Англичаните кои славеа со 6:2 на крајот, внимание привлекоа и иранските фудбалери кои одбија да ја пеат националната химна пред почетокот на натпреварот.
На овој начин Иранците уште еднаш протестираа поради смртта на сонародничката Махса Амини (22), која државната морална полиција ја приведе поради наводно прекршување на правилата за облекување, по што девојката почина во притвор.
Во тој момент камерите ги покажаа и трибините на кои можеше да се видат иранските навивачки во солзи.
Смртта на Амини резултираше со големо незадоволство кај Иранците. Тоа најпрво беше изразено на социјалните мрежи, а меѓу оние кои зборуваа затоа беа и бројни јавни личности од земјата. Меѓу нив се тројцата поранешни фудбалери Али Даеи, Али Карими кој настапуваше и за Баерн, и Хосеин Махини.
Иранската химна исто така беше исвиркана во Катар поради добро познати причини и немирите во земјата по смртта на Амини.
