Иако за многумина главната водечка мисла при одлучувањето да започнат со вежбање е фокусот на губење на тежината, истражувачите тврдат дека пренасочувањето на вниманието кон подобрување на вашето ментално и физичко здравје може да донесе подобри резултати.
Претходно годинава New York Times објави есеј од Шарлот Каулс за поимот „неутралност на телото“, кој Каулс го дефинира како „способност да се прифати и почитува вашето тело дури и ако не е она што би сакале да биде“.
Во време кога глобалниот вирус нѐ потсети дека физичкото здравје секако мора да биде поважно од грижата за изгледот, неутралноста на телото е термин за кој истражувачите веруваат дека носи посебни придобивки кога станува збор за вашето фитнес патување.
Телесната неутралност „ве поттикнува да го почитувате и прифатите своето тело поради неговите способности“ и „ви помага да ја видите поголемата слика за она што можете да го направите и постигнете“.
Истражувањата сугерираат дека ова е можно. Како што објави Каулс, една студија за психологија за вежбање од 2018 година покажа дека учесниците на кои им било наложено да се фокусираат на функцијата и силата на своето тело за време на краткиот групен фитнес час, рекле дека се чувствуваат позадоволни од активноста отколку групата што низ часот ја водело внимание фокусирано на изгледот.
Дополнително, оние од групата фокусирана на јачината на телото го опишаа часот со попозитивни зборови и изјавија дека имаат помал надзор на телото за време на часот.
Овие наоди се во согласност со истражувањето кое сугерира дека вежбањето може да го подобри расположението и задоволството на телото, но исто така сугерира дека тренингот кој е повеќе фокусиран на функции може да доведе до уште поголеми подобрувања.
Друга студија наведена од Каулс заклучи дека кога учесниците гледале на вежбањето како начин да ги олеснат нивните дневни приоритети, како што е користењето физичка активност како време кога можат да се поврзат со своите сакани, тие биле помотивирани отколку кога ја гледале активноста како помало непосредно средство за постигнување на целта, како што е губење на тежината.
