Италијанските власти планираат напуштен вулкански остров во Тиренско Море, на којшто пред 56 години се наоѓал затвор, да го претворат во туристичка атракција отворена за посетители, пренесе CNN.
Со цел да го поттикнат туризмот во таа област, властите велат дека ќе го оживеат островот претворајќи го во музеј на отворено.
Исто како калифорнискиот Алкатраз, Италија од напуштен затворски остров сака да направи туристичка атракција којашто ќе биде отворена до 2025 година. Проектот вреди 86 милиони долари. Според планот, затворската пекара ќе биде претворена во кафуле.
Земјата планира да потроши 86 милиони долари преуредувајќи го како музеј што ќе функционира како академски центар за семинари на ЕУ или уметнички работилници.
Планот е во рана фаза, се очекува кон крајот на месецов владата да распише повик за предлози за обнова на затворот.
Целта е да се зачуваат зградата и островот со еколошки пристап, пишува CNN.
