Во пожар во Велика Британија изгоре, па потона суперјахта вредна седум милиони евра. Јахтата, долга 26 метри, се наоѓала во пристаниште во англискиот град Девон.
Пожарот избил во саботата, а според очевидците, првин се слушнало експлозија, а потоа виделе огромен облак од црн чад. Засега нема информации за повредени. Според Guardian, пожарникарите стигнале брзо на местото на несреќата, а полицијата ги евакуирала околните плажи и патишта.
Агенцијата за животна средина соопшти дека веројатно на јахтата имало околу 9 тони бензин. Полицијата ги посоветува граѓаните кои живеат во непосредна близина да ги држат вратите и прозорците затворени поради „количината на чад и испарувања“.
Причините за пожарот засега се непознато. Бродот е потонат, а фокусот е поставен на загадувањето.
