Во 6 часот утрово избувна пожар во трговскиот центар „Мега Химки“ во близина на Москва.
Пожарот е локализиран во 08:25 часот по московско време. Дописникот на ТАСС од местото на настанот јави дека хипермаркетот бил речиси целосно уништен, останале само конструкции од рамки.
Руските служби се сомневаат дека станува збор за „криминален чин“, пренесоа руските медиуми.
„Сметаме дека тоа било планирано, дека пожарот бил подметнат“, објави новинската агенција Интерфакс, повикувајќи се на неименуван извор.
„Пожарникарите гаснат пожар на површина од 7.000 квадратни метри во околината на Москва“, објави на Twitter рускиот министер за вонредни ситуации.
И Спутник пренесе дека веројатно станува збор за кривично дело.
На социјалните мрежи се објавени видеа кои покажуваат како се случува силна експлозија додека луѓето бегаат од зградата кон паркингот.
Едно лице загинало како резултат на пожарот, соопштија за РИА Новости во Главната управа на Министерството за вонредни ситуации на Московскиот регион.
