Израелскиот министер за одбрана, Јоав Галант, изјави дека израелските одбранбени сили (ИДФ) го исчистиле западниот дел на Појасот Газа од милитантите на Хамас и сега преминуваат во следната фаза од копнената операција.
„Операцијата продолжува и се спроведува на прецизен, селективен, но многу, многу решителен начин“, рече Галант.
Тој не откри која ќе биде следната фаза, но жителите на јужниот дел на Газа изјавија дека израелските сили фрлаат летоци за предупредување во одредени области со цел да заминат навреме.
Покрај тоа, извештаите велат дека ИДФ спроведува операции и на Западниот Брег.
Новинската агенција AFP наведува дека голем број израелски војници извршиле рација во бегалски камп на Западниот Брег. Исто така, палестински извори тврдат дека војници влегле во болницата „Ибн Сина“ во Џенин, при што има убиени.
