Јапонија го гради најбрзиот суперкомпјутер во светот, со кој се надева дека земјата ќе биде лидер во истражувањата за вештачка интелигенција, пишува CNN.
Кога ќе биде завршен, суперкомпјутерот ќе може да изведува 130.000 билиони калкулации во секунда. Крајниот термин се планира за април, 2018 година.
AI Bridging Cloud Infrastructure (ABCI) нема да има екран, ќе наликува на стандардните компјутери, само ќе биде многу побрз. Ќе зазема површина од 1.000 метри квадратни.
Ќе го надмине и кинескиот шампион Sunway TaihuLight. Новиот супербрз компјутер ќе биде употребен во подобрување на роботиката, медицинската дијагноза и автомобилите со автоматско управување.
Во проектот ќе бидат вложени 173 милиони долари.
