Реал Мадрид пред точно еден месец официјално објави дека го носи 18-годишниот јапонски репрезентативец Такефуса Кубо кој ќе игра за вториот тим на „Кралскиот клуб“.
Кубо беше играч на Барселона, а каталонскиот великан поради него доби забрана за трансфери во 2014 година бидејќи неговото потпишување на 14 години беше нелегално.
Јапонецот замина од Барселона во 2016 година, а Каталонците наводно сакале да го вратат, но Кубо повеќе сакал да игра за Реал.
Тој потоа замина во Токио, а летово стигна во Мадрид за 2 милиони евра.
Младиот и надежен играч ќе има што да покаже на теренот, судејќи по сцените од тренингот со Реал.
Во видеото што вирално се рашири на интернет се гледа како талентиранот Кубо во неколку наврати си поигрува со гоелмите ѕвезди на Реал, а најтешко помина голманот Кејлор Навас.
