Пет македонски и три странски екипи ќе настапат на годинешното јубилејно 50. издание на традиционалниот меѓународен ракометен турнир во Струга од 16 до 22 август.
Македонскиот ракомет ќе биде претставен со првакот Вардар 1961, вицешампионот Еурофарм Пелистер, домаќинот Струга, како и екипите на Алкалоид и Бутел.
На турнирот што традиционално се игра на отвореното игралиште „Горан Попоски Бабец“ ќе настапат и грчки АЕК, словенечки Цеље и шампионот на Словачка, Татран.
Поради пандемијата на коронавирусот, ланското издание немаше интернационален карактер, а титулата ја брани Вардар 1961, кој во ланското финале триумфираше над Еурофарм Пелистер.