Јувентус и остатокот од Серија А ќе мора да почекаат барем до утре за да ја дознаат одлуката за жалбата на „Старата дама“ за казната од 15 бодови, а италијанските медиуми се уверени дека тие ќе ги добијат назад бодовите бидејќи ќе биде наредено ново „судење“.
Јуве доби казна во јануари 2023 за вештачко зголемување на вредноста на нивните трансфери за да го зголемат капиталот на клубот, по што следуваше драстичниот пад на табелата. За жалбата требаше да има одлука денеска, и по три часа сослушување стана јасно дека Италијанската фудбалска федерација (ФИГЦ) нема да да поднесе контра-жалба. Според Sky Sport Italia, одлуката ќе биде потврдена утре со тоа што ќе се направи дополнителна истрага.
Со враќањето на бодовите, Јувентус ќе скокне на третото место на табелата со 59 бодови.
Првично 11-те клуба и 59-те официјални лица кои беа обвинети од ФИГЦ (вклучувајќи ги и Наполи, Сампдорија, Џеноа, Емполи, Парма, Пиза, Пескара, Новара, Киево и Про Верчели) беа ослободени од обвиненијата нa 15 април, бидејќи е невозможно да се одреди „вистинската“ цена на еден играч.
Но, по дополнителните докази, вклучувајќи прислушкувани телефонски разговори на Фабио Паратичи и Маурицио Аривабене, ФИГЦ ја смени одлуката само за Јувентус. Целиот борд на Јуве поднесе оставка, но обвинителот на ФИГЦ бараше казна од 9 бодови, која потоа беше големена на 15, а беа доделени суспензии за Андреа Ањели, Аривабене, Паратичи и Павел Недвед.
