Имаме добри и лоши вести за луѓето кои го отклучуваат својот iPhone преку опцијата препознавање на лице.
Добрата вест е што сега можете да го отклучите вашиот iPhone на тој начин дури и кога носите маска, а лошото е што не можете да го направите тоа без Apple Watch.
Откако Apple го укина копчето за отпечаток на поновите модели на iPhone, отклучувањето на уредот со помош на препознавање лице стана нов стандард. Но, во време на пандемија и со задолжителното носење заштитни маски ова е отежнато.
Ако имате beta iOS 14.5 на вашиот iPhone, потребен ви е само еден детаљ - Apple Watch со beta watchOS 7.4. Овие верзии на софтверот може да ги имате само ако сте дел од програмата Apple Developer, во спротивно треба да почекате овие ажурирања да станат достапни за јавноста, а засега не знаеме кога тоа ќе се случи. Судејќи според досегашните beta циклуси и јавните софтверски надградби, пред нас се неколку месеци чекање.
Ако ги исполнувате сите овие услови, следете ги овие чекори:
1. Ажурирајте го iOS на вашиот iPhone. Settings > General > Software Update и изберете iOS 14.5. За Apple Watch, имате две опции - можете да ја преземете надградбата од апликацијата Watch на iPhone или директно на Apple Watch.
2. На iPhone, следете го менито Settings > Face ID & Passcode > Unlock with Apple Watch и вклучи ја оваа опција.
Исто така, опцијата за отклучување на мобилниот телефон со код мора да биде вклучена за ова да работи.
3. Отклучете го вашиот iPhone.
Тогаш сè е лесно. Сè додека го носите Apple Watch на раката, iPhone ќе го препознае и ќе го отклучи. Часовникот ќе вибрира и ќе ве извести дека телефонот е отклучен.
За оние кои сметаат дека сето ова е премногу комплицирано и попрво би чекале Apple да понуди поедноставно решение, сè што треба да направат е едноставно да ја исклучат опцијата за отклучување на препознавање лице и да го внесуваат кодот секојпат или да ги отстранат сите пречки при отклучување и едноставно да поминат со прстот преку екранот.
