Од англискиот селектор Гарет Саутгејт, до оној на заминување од германската клупа - Јоахим Лев, HITC Sevens направи рангирање на сите селектори кои ќе водат репрезентации на претстојното Европско првенство.
Од најслаби па до најдобри, HITC Sevens направи сопствено рангирање согласно нивните гледишта за талентот кој го поседува секој селектор, односно кој го покажува преку остварените резултати.
„Без дилема тој е еден од најмалку познатите селектори на ЕУРО 2020, ако не и најнепознатиот. Искуството на Игор Ангеловски е само две години на клупата на клуб од Македонија, кратко асистент во репрезентацијата, и 6 години како селектор“, стои во описот за македонскиот селектор.
„Ангеловски загуби само 16 од 49* натпревари откако е на клупата на Македонија почнувајќи како многу млад селектор во октомври 2015. Ја однесе Македонија на своето прво големо натпреварување, а дури ја победи и Германија на мундијалски квалификациски натпревар пред некој месец“.
*Иако видеото е објавено вчера, два дена после натпреварот со Казахстан, веројатно делот за Ангеловски бил направен уште пред тој натпревар бидејќи таа средба за него беше јубилејна 50-та на клупата на Македонија.
„На Македонија ќе ѝ биде потребно чудо за да ја мине групата, но, во секој случај, момците не би можеле да бидат во повешти раце од оние на Игор Ангеловски“.
Во рангирањето на HITC Sevens пред нашиот Ангеловски се најдоа само големите имиња Фернанду Сантуш (Португалија), Луис Енрике (Шпанија), Роберто Мначини (Италија) и Дидје Дешан (Франција).
Целосната сторија за Ангеловски можете да ја погледнете на следното видео почнувајќи од 19:31:
