Иако најновите фотографии коишто Curiosity ги испрати на Земјата потсетуваат на разгледници, сепак во прашање е нешто далеку поегзотично, формирање облаци на Марс, пишува PC Press.
Конечната фотографија е создадена со комбинација од 21 фотографија снимени со цел одблизу да се набљудуваат необичните облаци над кратерот Гејл.
Научниците уште пред две години открија дека облаците на Марс се формираат порано од тоа што го очекуваа, па затоа Curiosity годинава доби задача да ги снима.
Првите облаци се појавија во јануари, богати со лед, понекогаш менувајќи ја бојата од црвени нијанси во зелени, па сини и розови. Овие облаци се наоѓаат во повисоките делови на атмосферата за разлика од оние коишто досега се набљудувани.
Научниците претпоставуваат дека содржат замрзнат јаглерод диоксид или „сув мраз“, иако тоа уште не е потврдено.
Најубава е глетката кога ледените кристали сјаат на последната светлина.
