Бразилскиот фудбалер Дани Алвес (40) беше осуден на четири и пол години затвор за сексуален напад во Барселона на 30 декември 2022 година, а доби полесна казна благодарение на Нејмар и неговото семејство.
Шпанското обвинителство побара девет години затвор, а приватно 12 години. Но, казната е намалена, бидејќи била применета олеснителна околност на штета, со оглед на тоа што на оштетената пред судењето ѝ биле исплатени 150.000 евра.
Според неколку бразилски медиуми, Алвес ја платил таа сума по барање на шпанскиот суд, со помош на семејството на Нејмар. И не само тоа, туку бразилските медиуми тврдат дека семејството на Нејмар го позајмило и Густаво Ксист, еден од најстарите адвокати на компаниите на таткото на Нејмар, кој го застапувал Алвес за време на судењето.
Според обвиненијата, Алвес сексуално нападнал девојка во ноќниот клуб Sutton во Барселона ноќта меѓу 30 и 31 декември 2022 година. Од 20 јануари 2023 година, фудбалерот е во превентивен притвор, а условниот отпуст во неколку наврати му беше одбиен поради големиот ризик од бегство бидејќи Бразил нема договор за екстрадиција.
Пред судот сведочеа и жртвата, нејзин роднина, пријатели, портирот на ноќниот клуб и двајца келнери. Гласот на жртвата бил изменет за да се спречи нејзиното идентификување, а на крајот Алвес бил прогласен за виновен.
Обвинителството побара максимална казна од 12 години, а освен тоа одбраната како олеснително го наведе фактот дека Бразилецот бил пијан.
Алвеш доби забрана да се приближува и да комуницира со жртвата во следните 9 години и 6 месеци, а ќе биде под дополнителен надзор во следните пет години.
По оваа судска одлука, одбраната на бразилскиот фудбалер сепак може да се жали до Високиот суд на Каталонија, а после тоа, дури и ако пресудата остане неповолна за Врховниот суд, тие веќе го најавија тој чекор.
Алвес е меѓу најуспешните фудбалери во историјата и некогаш беше проценет на околу 47 милиони фунти, но сега се наведува дека е во финансиска пропаст.
40-годишникот негира дека сторил нешто лошо во врска со инцидентот во ноќниот клуб и одлуката за неговата пресуда за вина може да се обжали.
Случајот Алвес беше првото сексуално злосторство од висок профил откако Шпанија го преуреди своето законодавство во 2022 година за да стане согласноста - или немањето согласност – централна за дефинирање на сексуалниот криминал.
Тој стапи на сила како одговор на протестите по случајот со групно силување за време на фестивалот Сан Фермин во Памплона во 2016 година.
